“Gwrandewais ar y dyn fyddai’n
cloi ei hun yn yr ystafell sbâr bob nos.
Clywais am y dyn a redodd allan o’r ty gyda’i
blant. Gwelais luniau o ddyn gafodd ei drywanu
gan ei gariad. Clywais hanes y dyn gafodd ei guro
gan ei wraig â’r hoover. Dynion yn
adrodd fy hanes i. Hanes nosweithiau heb gwsg,
dadleuon diddiwedd, cael fy mychanu, fy nghau
allan – yn llythrennol ac yn emosiynol.
Am ddwy awr gyfan fe wrandewais ac fe siaradais.”
— Dyn anhysbys ar ôl cyfarfod grwp
i ddynion sydd yn dioddef trais domestig yn Iwerddon
Yn seiliedig ar straeon gwir dynion a ddioddefodd
drais domestig mewn perthnasau heterorywiol a
hoyw fel ei gilydd, mae drama newydd Patrick Jones
yn tynnu 40 o straeon at ei gilydd yng nghymeriadau
Dionne (Stacey Daley) a Steve (Nathan Sussex)
— sydd yn cyfleu barddoniaeth drasig bywydau
cyffredin ar lefel opera grand. Mae taith Steve,
o fod yn gymar a thad brwd, i fod yn ddyn sydd
yn gysgod gwan o’i hunan blaenorol, wedi’i
dreisio a’i arteithio gan Dionne, yn dadadeiladu’n
gelfydd y myth bod dynion yn anhyglwyf.
|
