Mae hi’n bleser mawr gallu cyhoeddi trydedd wyl Passion, Gwyl Dinas Ddrama Caerdydd, a fydd yn digwydd eleni gydol yr haf yng ngwahanol ofodau Canolfan Gelfyddydau Chapter.
Yn 2008, mae Passion yn ehangu’i ffocws traddodiadol ar fyd y ddrama i gynnwys artistiaid arobryn o fyd dawns a cherddoriaeth, o Gymru ac o bedwar ban byd. Gyda gweithiau newydd wedi’u comisiynu a’u cynhyrchu gan STIWDIO Chapter, ac wrth i ni lansio gofod newydd Y Llofft, mae Passion yn ddathliad o ganolfan hanesyddol sydd yn galluogi i chi weld perfformwyr nodedig ar waith, yn creu gweithiau unigryw a phontydd sydd yn galluogi i wahanol gyfryngau (sinema, cerddoriaeth, theatr, celfyddydau gweledol, dawns) orgyffwrdd a phryfocio’i gilydd. >Wrth i straeon gael eu hadrodd, symudiadau gael eu creu mewn gofod, wrth i ddelweddau gael eu taflunio ar furiau a geiriau’u llefaru, wrth i offerynnau ganu caneuon lleoedd pell ac agos, dw i’n gobeithio y bydd digwyddiadau Passion 08 yn ysbrydoliaeth i bob un.